Putin növbəti müddətə prezident vəzifəsinin icrasına başladı

Vladimir Putin rəsmi olaraq növbəti altı illik müddətə Rusiya Prezidenti kimi səlahiyyətlərinin icrasına başlayıb.
Yeniavaz.com TASS-a istinadla xəbər verir ki, bu barədə Konstitusiya Məhkəməsinin sədri Valeri Zorkin məlumat verib.
Məlumata görə, Putin xalq qarşısında and içib və Konstitusiya Məhkəməsinin sədri ona prezidentlik hakimiyyətinin rəmzlərini, o cümlədən prezidentin döş nişanını - Rusiya gerbinin təsviri və qızıl zəncirdə “Mənfəət, şərəf və şöhrət” devizi olan qızıl Georgi xaçını təhvil verib.
Putin vəzifəsinin icrasına başladığı elan edildikdən sonra çıxış edib.
Qeyd edək ki, bu, Putinin dövlət başçısı postunda beşinci müddətidir. Onun ilk iki müddəti dörd il davam edib. Rusiya Konstitusiyasına dəyişikliklər edildikdən sonra dövlət başçısının mandatı 6 ilə qədər uzadılıb. Putin ilk altı illik prezidentlik müddətini 2012-ci ildən, ikinci altı illik prezidentlik müddətini isə 2018-ci ildən icra edib.
2020-ci ildə Əsas Qanuna edilən dəyişikliklərdən sonra o, 2024-cü ildə keçirilən seçkilərdə 87,28% səslə qalib gəlib. Putinin hazırkı səlahiyyət müddəti 2030-cu il mayın 7-də başa çatacaq.
Rusiya Mərkəzi Seçki Komissiyasının sədri Ella Pamfilova hələ aprel ayında Putinə yeni səlahiyyət müddəti üçün dövlət başçısının sertifikatını təqdim edib. And içdikdən sonra prezident ştantı dövlət başçısının iş otağında quraşdırılır.