Bu gün Vladimir Putinin Rusiya prezidenti kimi beşinci dəfə andiçmə mərasimi keçirilir.
Ucnoqta.az TASS-a istinadən Vladimir Putinin dosyesini təqdim edir.
7 oktyabr 1952-ci ildə Leninqrad şəhərində anadan olub, 1975-ci ildə Leninqrad Dövlət Universitetinin hüquq fakültəsini (beynəlxalq hüquq fakültəsini), 1985-ci ildə SSRİ DTK İnstitutunu bitirib;
1985-ci ildə DTK-nın Almaniya Demokratik Respublikasındakı nümayəndəsinə göndərilib, 1990-cı ilə qədər Drezdendə işləyib;
1990-cı ilin fevral ayından Leninqrad Dövlət Universitetinin rektorunun beynəlxalq əlaqələr üzrə köməkçisi, sonra Sobçakın müşaviri işləyib;
1991-ci ilin iyununda Leninqrad meriyasının Xarici Əlaqələr Komitəsinin sədri, sonra isə Sankt-Peterburq merinin müavini təyin edilib;
1996-cı ilin avqustunda Rusiya Federasiyası Prezidentinin Administrasiyası rəhbərinin müavini, 1997-ci ilin martında Prezident Administrasiyası rəhbərinin müavini;
1998-ci ilin iyulundan 1999-cu ilin avqustuna qədər Putin FSB-nin direktoru vəzifəsində çalışıb, daha sonra Dövlət Duması tərəfindən baş nazir kimi təsdiqlənib və dekabrın 31-də Yeltsin istefa verdikdən sonra öz vəzifələrini yerinə yetirməyə başlayıb;
2000-ci il martın 26-da növbədənkənar prezident seçkilərində qalib gəlib, 7 may 2000-ci ildə andiçmə mərasimi olub;
2004-cü il martın 14-də o, ikinci prezidentlik müddətinə seçildi və 2008-ci ilin mayında yeni prezident Dmitri Medvedevin təklifi ilə Dövlət Duması Putini baş nazir postuna təsdiq etdi;
2012-ci il martın 4-də yenidən prezident seçildi, artıq 6 illik müddətə, andiçmə mərasimi 7 may 2012-ci ildə baş tutdu;
2018-ci il martın 18-də yenidən Rusiya Federasiyasının prezidenti seçilib, 2018-ci il mayın 7-də isə yeni müddətə Prezident kimi fəaliyyətə başlayıb;
2024-cü ilin martında o, 87,28% səs toplayaraq yenidən dövlət başçısı seçildi ki, bu da Rusiya Federasiyasında keçirilən prezident seçkilərinin bütün tarixində ən böyük nəticə idi.
Putin istefada olan polkovnikdir, iqtisad elmləri namizədidir, alman və ingilis dillərini bilir.
.jpg)
