Litvada, Klaypeda yaxınlığında hava şarı idarəetməni itirərək evlərin üzərinə düşüb, nəticədə 7 nəfər xəsarət alıb.
News24.az xəbər verir ki, bu barədə LRT məlumat verib.
Hadisə bazar günü axşam saatlarında Klaypedanın cənubunda, Kalininqrad vilayəti ilə sərhədə yaxın Silute rayonunda baş verib. Bildirilir ki, hadisənin başverməsinə səbəb güclü küləyin əsməsi olub.
Sərnişinlər və pilot, ümumilikdə 15-61 yaş arasında olan 7 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan ikisi reanimasiyadadır.
Mehriban Mirzəzadə
