"Həmid herisçi haqqında rəy verməyə ehtiyac yoxdur" - Səlim Babullaoğlu

"AYB-yə üzv olmaq da, çıxmaq da könüllüdür. Azərbaycan ədəbiyyatının ən yaxşı mətnlərini birliyə üzv olanlar yaradır. Yazıçılar birliyi polemikalara açıqdır...."

Kulis.az xəbər verir ki, bu sözləri Azərbaycan Yazıçılar Birliyinin katibi, qəbul komissiyasının sədri Səlim Babullaoğlu deyib.

Onun sözlərinə görə, müəlliflər istədikləri vaxt birliyə sənəd verə bilməzlər:

"Mən birliyə üzv olan müəllifləri də, olmayanları da xarici dillərə tərcümə etdirmişəm. Biz ədəbi prosesi işıqlandırmaq baxımından dəyərli hesab etdiyimiz mətnləri dərc etdirmişik. Bu, işi sistemsiz eləyir. Qərara gəldik ki, 8 həftə öncədənmətbuatda dərc olunmaqla sənəd qəbulu təşkil edək. 3 il ərzində minə yaxın sənəd verilib. Hər adam bir kitab versə, bu, min kitab deməkdir Məqsədimiz prinsipsizliyin qarşısını almaqdır. Sənəd verənlərin yarısını rədd eləmişik. Sonra təzyiqlərlə üzləşirik. Deyirlər ki, necə mənim rəy verdiyim adamı seçmirsiniz? Bəzən də rəy verənlərin qarşısında aciz qalırıq..."

O qeyd edib ki, üzvlüklə bağlı bəzi müəlliflərə Birlik müraciət edir:

"Bəzən biz özümüz müraciət eləyirik müəlliflərə. Məsələn, Həmid Herisçi. O, artıq ədəbiyyatımızın klassikidir. Onun rəy verilməyə ehtiyacı yoxdur. Bəzən xaricdə yaşayan müəlliflərimizə də üzvlüklə bağlı müraciət edirik. Ancaq əvvəlcə səfirliklə əlaqə saxlayırıq. Bəlkə, o adam erməni abidəsinə gül qoyub?"