Əhalinin banklardakı əmanətləri 286 milyon manatdan çox artıb - RƏQƏMLƏR

2024-cü ilin 1 aprel tarixinə Azərbaycan banklarında fiziki şəxslərin depozit portfeli 12 milyard 868,5 milyon manat təşkil edib.

• Azərbaycanda əmanət və depozitlərin dollarlaşma səviyyəsi 33,2%-dək azalıb

FED.az bu barədə Azərbaycan Mərkəzi Bankına istinadən xəbər verir.

Bu ötən ilin sonu ilə müqayisədə 286,3 milyon manat və ya 2,3% çoxdur.

Əmanətlərin 4 milyard 588,1 milyon manatı xarici valyutada formalaşıb. Bu göstərici də ötən ilin sonu ilə müqayisədə 316,9 milyon manat və ya 7,4% çoxdur.

Ümumilikdə fiziki şəxslərin depozitlərinin 7 milyard 226,7 milyon manatı müddətli, 5 milyard 641,7 milyon manatı isə müddətli depozitlərdir. Müddətli depozitlərin 2 milyard 511,7 milyon manatı, tələbli depozitlərin isə 2 milyard 76,4 milyon manatı xarici valyutada formalaşıb.

Məlumat üçün qeyd edək ki, bu ilin yanvarın 1-nə banklardakı fiziki şəxslərin əmanət portfeli 12 milyon 582,5 milyon manat təşkil edib ki, onun da 4 milyard 271,2 milyon manatı xarici valyutada formalaşıb.