Mayın 5-də Bakıda və Abşeron yarımadasında havanın arabir tutulub açılacağı gözlənilir.
Səhər saatlarında, əsasən saat 10:00-12:00 radələrində bəzi yerlərdə zəif yağış yağacağı ehtimalı var.
Milli Hidrometeorologiya Xidmətinin direktoru Nazim Mahmudov "Operativ Media"ya bildirib ki, gün ərzində mülayim cənub-şərq küləyinin əsəcəyi, küləyin sürətinin 7-12 m/s, arabir 14-16 m/s təşkil edəcəyi, havanın temperaturunun 17-21 dərəcə isti olacağı gözlənilir.
Xidmət rəsmisi marafon iştirakçılarından geyimlərini hava şəraitinə uyğun seçmələrini tövsiyə edib.