Messi "İnter Mayami"nin büdcəsini ikiqat artırıb

"İnter Mayami"nin baş meneceri Xavyer Asensi Lionel Messinin transferinin klubun gəlirlərinə necə təsir etdiyini açıqlayıb.

QOL.az xəbər verir ki, o, ötən yay 36 yaşlı hücumçunun MLS təmsilçisinə keçməsindən sonra klubun büdcəsinin ikiqat artdığını söyləyib:

“Lionel bizi növbəti səviyyəyə aparır. Sponsorların müraciətləri də artır. Biz öz mövqeyimizdən çox razıyıq, komanda və görülən işlərlə fəxr edirik. Qalan tək şey inkişaf etməkdir.

Messi gələnədək biz 60 milyonluq büdcəsi olan bir komanda idik. Bu il isə 125 və ya 130 milyon büdcəmiz var. Müvəqqəti stadionu nəzərə alsaq, bu, böyük məbləğdir”.

Qeyd edək ki, Messinin klubla müqaviləsi 2025-ci ilin dekabrına qədərdir. 11 turdan sonra "İnter Mayami" MLS-in turnir cədvəlində 21 xalla birinci yerdədir.  Bu mövsüm Messi 10 oyun keçirib, 11 qol vurub və 6 qolun ötürməsini edib.