Azərbaycan milli komandasının üzvü Ozancan Kökçünün formasını geyindiyi “Eyndhoven” Niderland birinci divizionunda növbəti oyununa çıxıb.
QOL.az xəbər verir ki, komanda 37-ci turda səfərdə “Helmond Sport”la qarşılaşıb. Görüşdə "Eyndhoven" 0:2 hesabı ilə uduzub.
Ozan Can da bu oyunda iştirak edib. O, meydana start heyətdə çıxıb və sona qədər oynayıb.25 yaşlı yarımmüdafiəçi 87-ci dəqiqəsində sarı vərəqə ilə cəzalandırılıb.
Qeyd edək ki, hazırda “Eyndhoven” 40 xalla 15-cidir.