Rusiyaya qeyri-qanuni olaraq dronların elektron komponentləri tədarük etdiyi iddia edilən iki alman iş adamı Ştutqart Ali Regional Məhkəməsi qarşısına çıxarılacaq.
Oxu24.com xəbər verir ki, bu barədə n-tv məlumat yayıb.
İddiaya görə, onların Rusiyadakı müştərisi hərbi materiallar və komponentlər istehsal edib.
Söhbət çox güman ki, Rusiya Silahlı Qüvvələrinin Ukraynada istifadə etdiyi “Orlan-10” pilotsuz uçan aparatından gedir.
İddiaya görə, tədarük olunan elektrik komponentləri bu tip pilotsuz təyyarələrin ümumi komponentidir və Avropa Birliyinin Rusiyaya tətbiq etdiyi embarqoya tabedir.
Qeyri-qanuni tədarük edilən komponentlərin təxminən 875 min avro dəyərində olduğu bildirilir.
