Alimlər süni intellektin dəstəklədiyi süni mədəaltı vəzi yaradıblar

Virciniya Universitetinin Diabet Texnologiyaları Mərkəzindən edilən ilk tədqiqat göstərib ki, 1-ci tip diabeti tənzimləmək üçün süni mədəaltı vəzinin qabaqcıl süni intellektlə təchiz edilməsi təhlükəsizdir və sistemin səmərəliliyini artırır.

QHT.az xəbər verir ki, tədqiqat zamanı tədqiqatçılar, tədqiqat qrupu tərəfindən “Neyron Şəbəkəsi Süni Pankreas” kimi təsvir edilən süni intellektin daxil olduğu süni mədəaltı vəzi alqoritmi ilə tip 1 diabetli xəstələrdə qan şəkərinin səviyyəsini avtomatik izləyən və tənzimləyən qabaqcıl eksperimental süni mədəaltı vəzi sistemini müqayisə etdilər".

Tədqiqatçılar müəyyən ediblər ki, süni intellektlə dəstəklənən süni mədəaltı vəzi, hesablama xərclərini əhəmiyyətli dərəcədə azaltmaqla yanaşı, iştirakçıların qan şəkərinin səviyyəsini qabaqcıl sistem qədər təxminən uzun müddət hədəf diapazonda saxlayıb.

Süni intellektlə işləyən süni mədəaltı vəzi əhəmiyyətli dərəcədə yüksək effektivlik göstərərək hesablama xərclərini altı dəfə azaldıb. Beləliklə, süni intellektlə işləyən süni mədəaltı vəzi "insulin nasosları və ya kapsullar kimi aşağı emal gücü olan cihazlarda istifadə üçün daha uyğundur" deyə alimlər yekunlaşdırıblar.

Süni intellektlə işləyən süni mədəaltı vəzinin xəstələr tərəfindən istifadəyə hazır olmasından əvvəl daha çox araşdırmaya ehtiyac var. Süni intellektin tətbiqi ona təkcə fərdin deyil, minlərlə istifadəçinin məlumatları əsasında alqoritmi uyğunlaşdırmağa və təkmilləşdirməyə, məhdud hesablama qabiliyyəti olan cihazlardan istifadə etməklə qan şəkərinin səviyyəsinin monitorinqini və tənzimlənməsini avtomatlaşdırmağa imkan verəcək. 

Pərvanə Fərhadqızı