Müharibə

Tatarıstana genişmiqyaslı kiberhücum başlayıb

reyting.az

16:36 03.05.2024

Smartbee
Şikayət et

Ukrayna Müdafiə Nazirliyinin Baş Kəşfiyyat İdarəsi Tatarıstan Respublikasına irimiqyaslı kiberhücum həyata keçirir.

Reyting.az-ın xəbərinə görə, xüsusi xidmət orqanlarındakı mənbə unian.net-ə deyib ki, kəşfiyyat idarəsinin mütəxəssisləri Rusiya daxilində subyekt olan Tatarıstanda internet provayderlərinə və mobil operatorlarına kiberhücuma başlayıb.

Məlumata görə, bu əməliyyatın əsas hədəfi 30-dan çox sənayenin yerləşdiyi “Alabuğa” baş iqtisadi zonasında rabitə şəbəkələri olub. Söhbət xüsusilə hərbi sənaye kompleksinin mühüm müəssisələrindən gedir.

Mart ayında Ukrayna Müdafiə Nazirliyinin Baş Kəşfiyyat İdarəsi məlumat vermişdi ki, kəşfiyyat mütəxəssisləri və “BO Team” qrupunun fəalları Rusiya hədəflərinə bir sıra kiberhücumlar ediblər. Təkcə Rusiya dövləti deyil, həm də vergi ödəyən, Ukraynaya qarşı müharibənin maliyyələşdirən özəl strukturlar da hücuma məruz qalır.

Qeyd edək ki, martın 11-dən 18-dək xüsusən də PJSC Rostelecom-un resurslarına hücum edilib, eləcə də Rusiyanın Trans-Baykal və Krasnoyarsk ərazilərinin rabitə avadanlıqları sıradan çıxarılıb. Ukrayna kəşfiyyatı iddia edir ki, düşmənə dəyən ziyan yüz minlərlə dollardır.

V. QULİYEV

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

Seçilən