Rusiyanın raketdaşıyıcıları ALYASKAYA YAXINLAŞDI -TƏHLÜKƏLİ UÇUŞ

Rusiyanın iki strateji raket daşıyıcısı Tu-95MS Alyaska yaxınlığında neytral sular üzərində uçuş həyata keçirib.

“İki sahil” xəbər verir ki, bu barədə RT məlumat yayıb.

Bildirilir ki, uçuş 11 saatdan çox davam edib.

“Rusiya Aerokosmik Qüvvələrinə məxsus iki strateji raket daşıyıcısı Tu-95ms uzaqmənzilli aviasiya təyyarəsi Alyaskanın qərb sahili yaxınlığında Berinq dənizinin neytral suları üzərində hava məkanında planlı uçuş həyata keçirib. Uçuşun müddəti 11 saatdan çox olub”, - deyə Müdafiə Nazirliyindən bildirilib.

Qırıcıların müşayiəti Su-30cm təyyarəsinin ekipajları tərəfindən təmin edilib.

Xatırladaq ki, bu ilin fevral ayında həmin raketdaşıyanlar Su-30M qırıcılarının müşayiəti ilə Alyaskanın qərb sahili yaxınlığında Berinq dənizinin neytral suları üzərində yeddi saatlıq uçuş həyata keçiriblər.