“Yeni bir təcrübənin əsası qoyulur” – Əhməd İsmayılov

"Bu forum vasitəsilə Azərbaycan mediasının müasir tələblərindən və inkişaf tempindən irəli gələn tendensiyalar, habelə cəmiyyətin mediadan gözləntiləri baxımdan yeni bir təcrübənin əsası qoyulur".

Bakıvaxtı.az xəbər verir ki, bunu Mətbuatın İnkişafı Agentliyinin icraçı direktoru Əhməd İsmayılov MEDİA-nın təşkilatçılığı ilə keçirilən "İctimai proseslər media müstəvisində" mövzusunda forumda deyib.

Onun sözlərinə görə, forum həm dövlət-media dialoqunun səmərəli təşkilinə, həm də medianın cəmiyyəti ictimai əhəmiyyətli informasiya ilə təmin etmə funksiyasının daha effektiv səviyyəyə yüksəldilməsinə hesablanıb.

Qeyd edək ki, forum  çərçivəsində “Narkomanlığa qarşı mübarizədə mediadan düzgün istifadə”, “Sosial məsələlərin, həmçinin məişət zorakılığı və erkən nikah kimi həssas mövzuların mediada düzgün işıqlandırılması”, “Mediada kiberbullinqə qarşı effektiv mübarizə və kiber maarifləndirmə” və “Yaşıl dünya naminə həmrəylik ili”ndə media gündəmi” mövzularında panel sessiyalar təşkil olunacaq.

Ziyafət Əlisoy