- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
Bakı, 2 may, AZƏRTAC
Aprelin 27-dən mayın 2-dək Bolqarıstanın Varna şəhərində 41-ci Balkan Riyaziyyat Olimpiadası təşkil edilib.
Təhsil İnstitutundan AZƏRTAC-a bildirilib ki, Azərbaycan milli komandası bilik yarışında uğurla çıxış edərək 1 gümüş və 2 bürünc olmaqla ümumilikdə 3 medal və 2 həvəsləndirici mükafat qazanıb.
Bakı şəhəri Heydər Əliyev adına Müasir Təhsil Kompleksinin 11-ci sinif şagirdi Mirhəbib Əsgərov gümüş medal, Bakı şəhəri Fizika, riyaziyyat və informatika təmayüllü liseyin 11-ci sinif şagirdləri Ömər Qədimli və İbrahim Kərimli bürünc medal qazanıblar. Həmçinin Türkiyə Dəyanət Vəqfi Bakı Türk liseyinin 11-ci sinif şagirdi Telman Məmmədov və Bakı şəhəri Kimya-biologiya təmayüllü respublika liseyinin 9-cu sinif şagirdi Rəfiqə Qəmbərova olimpiadanın həvəsləndirici mükafatına layiq görülüblər.
Qeyd edək ki, 2007-ci ildən etibarən Balkan Riyaziyyat Olimpiadasında iştirak edən Azərbaycan məktəbliləri ümumilikdə 1 qızıl, 18 gümüş və 38 bürünc medal qazanıblar.
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.