Kolumbiya İsrail ilə diplomatik əlaqələri kəsir

İsrailin Qəzza zolağında HƏMAS qruplaşmasına qarşı keçirdiyi hərbi əməliyyatlar fonunda Kolumbiya diplomatik heyəti İsraildən çıxarır.

İqtisadiyyat.az xəbər verir ki, bu barədə Kolumbiyanın Xarici İşlər Nazirliyi məlumat yayıb.

Məlumata görə, heyət diplomatik əlaqələri kəsdikdən sonra vətənə qayıdacaq.

“Kolumbiyanın diplomatik heyəti ölkəmizə qayıdacaq. İsrail və Fələstindəki soydaşlarımız Təl-Əvivdəki səfirliyin konsulluq şöbəsindən lazımi yardım və xidmətləri almağa davam edəcəklər”, - deyə departamentin saytında dərc olunan bəyanatda bildirilir.

Gözəl Həşimova