Bakı, 1 may, AZƏRTAC
Basketbol üzrə Azərbaycan çempionatında pley-off mərhələsinin oyunu keçirilib.
AZƏRTAC xəbər verir ki, 1/4 finalda "Xəzri" və "Sərhədçi" komandaları üz-üzə gəliblər. Görüş birincilərin 98:64 hesablı qələbəsi ilə yekunlaşıb.
Bu qələbə ilə "Xəzri" seriyada 1:0 hesablı üstünlük əldə edib.
Qeyd edək ki, komandalar arasında seriyanın ikinci görüşü mayın 3-də keçiriləcək.
