Beynəlxalq Atom Enerjisi Agentliyinin (MAQATE) 130-dan çox müfəttişi İranda işləmək icazə alıb.
"Unikal" xarici KİV-ə istinadən xəbər verir ki, bunu İranın Atom Enerjisi Təşkilatının (AEOI) rəhbəri Məhəmməd İslami deyib.
"İranın nüvə obyektlərinin təftişi davamlı olaraq həyata keçirilir", - deyə o bildirib.
Qeyd edək ki, bir gün əvvəl MAQATE-nin baş direktoru Rafael Qrossinin mayın 6-7-də İrana səfər edəcəyi açıqlanmışdı.
