Moskvada ələ keçirilən texnikanın sərgisi açılıb.
Bakıvaxtı.az xəbər verir ki, bu barədə “TASS” məlumat yayıb.
Rusiya Federasiyası Silahlı Qüvvələrinin Mərkəzi Muzeyinin baş elmi işçisi Andrey Lyubçikovun sözlərinə görə , sərgidə ümumilikdə ələ keçirilən texnikanın 32 nümunəsi nümayiş etdirilir.
Bildirilib ki, onların əhəmiyyətli bir hissəsi NATO üzvü olan ölkələrin silahlarıdır .
Mütəxəssis onu da aydınlaşdırıb ki, toplanmış “eksponatların” ümumi dəyəri bir neçə milyard dollardır.
Xüsusilə, ziyarətçilərin müvafiq olaraq Alman və Amerika Leopard 2 və Abrams tanklarına baxmaq imkanı var.
Həmçinin, döyüş meydanından Moskvaya zədələnmiş Britaniyanın “Mastiff” zirehli maşını və İsveçin CV90 piyada döyüş maşını gətirilib.
Onlarla yanaşı, Ukraynaya məxsus T-72 və T-64 tankları, eləcə də bir çox başqa növ texnika da meydançaya yerləşdirilib.
Mina Mikayılova
