"Chugoku Electric Power" şirkətinin idarə etdiyi Şimane Atom Elektrik Stansiyasının (AES) (Matsue şəhəri) ikinci enerji blokunun turbin otağında yanğın baş verib.
Bu barədə Kyodo agentliyi şirkətə və Şimane prefekturasına istinadən məlumat yayıb.
Qeyd olunur ki, tikinti işlərinə elektrik enerjisi vermək üçün quraşdırılmış müvəqqəti açarda yanmış izlər aşkar edilib. Eyni zamanda, radiasiya monitorinq cihazlarının göstəricilərində heç bir dəyişiklik aşkar edilməyib, ətraf mühitə təsiri təsdiq edilməyib.
Şirkətdən verilən məlumata görə, yanğını bir gün əvvəl yanıq iyi gələn subpodratçının işçisi aşkar edib.
Xəsarət alan olmayıb, hadisənin səbəbləri aydınlaşdırılır.
