Mayın 1-nə keçən gecə Rusiya hərbçiləri Odessanın mərkəzinə hücum ediblər.
Bunu vilayət mülki administrasiyasının rəhbəri Oleq Kiper deyib.
Onun sözlərinə görə, hücum ballistik raketlərlə həyata keçirilib. Nəticədə biri polis olmaqla üç nəfər həlak olub, üç nəfər yaralanıb.
Odessa meri Gennadi Truxanov da hücum nəticəsində yaşayış binalarına və mülki infrastruktura ziyan dəydiyini bildirib.
Bu, son günlər Odessada insanların ölümünə səbəb olan ikinci zərbədir. Aprelin 29-da axşam saatlarında Literaturnaya küçəsi yaxınlığındakı bənd atəşə tutulub, nəticədə beş nəfər həlak olub.
