Taleh Kazımov "Naxçıvan Bank"la bağlı məsələyə aydınlıq gətirib

“Naxçıvan Bank”ın hər hansı bir maliyyə problemi yoxdur.

“APA-Economics” xəbər verir ki, bunu keçirdiyi mətbuat konfransında Azərbaycan Mərkəzi Bankının sədri Taleh Kazımov deyib.

"Balansı çox keyfiyyətlidir, maliyyə dayanıqlılığı ilə bağlı hər hansı problem yoxdur. Bankın kredit portfelinin bir hissəsi “Kapital Bank”a satılıb. Bankın fəaliyyətini ilə bağlı səhmdarlar tərəfindən qərar veriləcək. Bankın fəaliyyətini necə davam etdirəcəyi, və ya BOKT-a çevriləcəyi səhmdarların qərarından aslı olacaq. Amma bunun ümumi maliyyə sabitliyinə hər hansı təsiri yoxdur. Bankın əmanətçilərini sayı digər banklara nisbətən çox aşağıdır", - deyə AMB sədri əlavə edib.