Göyçay, Rəşad Türkoğlu, AZƏRTAC
Göyçayda qətl hadisəsi baş verib. Hadisə axşam saatlarında rayonun Qaraxıdır kəndi ərazisində qeydə alınıb.
DİN-in Mətbuat Xidmətinin Şəki regional qrupundan AZƏRTAC-ın sorğusuna cavab olaraq bildirilib ki, Göyçay rayon sakini, 1961-ci il təvəllüdlü Əhmədov Eynulla Sahabqulu oğlunun əllə yetirilən xəsarətdən ölməsi barədə polisə məlumat daxil olub.
Polis əməkdaşlarının keçirdikləri tədbirlərlə əməli törətməkdə şübhəli bilinən E.Əhmədovun oğlu Kamal Əhmədov saxlanılıb. Araşdırma aparılır.