AZ

"Böyük Britaniya Qəzza bölgəsinə qoşun göndərə bilər" - "The Guardian"

"Britaniya Silahlı Qüvvələri amerikalıların humanitar yardımın çatdırılması üçün inşa etdiyi dəniz körpüsü rayonunda yerləşdiriləcək..."
 
"Amerika əsgərinin Qəzza bölgəsi sahillərinə ayaq basmayacağını vəd edən Baydenin bəyanatından sonra kimsə məsuliyyəti öz üzərinə götürməlidir..."
 
Böyük Britaniya Müdafiə Nazirliyi humanitar yardım daşıyan yük maşınlarının müşahidə edilməsi üçün Qəzza bölgəsinə hərbi qulluqçuların göndərilməsinin mümkünlüyünü nəzərdən keçirir.
 
Moderator.az xəbər verir ki, bu barədə "The Guardian" qəzeti Britaniya Müdafiə Nazirliyindəki mənbəyə istinadən yazıb.
 
Körpünün inşasına ABŞ kuratorluq edir, bu tikinti gələn ayın əvvəlində Aralıq dənizinin şərq hissəsində başa çatmalıdır, bundan sonra o, Qəzza sahillərinə köçürüləcək. Lakin ABŞ prezidenti Co Bayden "Amerika əsgərinin bölgə sahilinə ayaq basmayacağını" vəd edib.
 
"Bu o deməkdir ki, siyasi mübahisələrə səbəb olan humanitar yardımın ən mürəkkəb mərhələlərindən birinə görə məsuliyyəti öz üzərinə götürən kimsənin olması zəruridir", - qəzet yazıb.
 
Mənbənin sözlərinə görə, Britaniya Müdafiə Nazirliyində Böyük Britaniyanın bu rolu öz üzərinə götürməsinin "mümkünlüyü nəzərdən keçirilir", hərçənd, "bu, az ehtimal ediləndir".
 
"Bu məsələ hələ həll edilməyib, heç ovqat da belə deyil", - mənbə deyib.
Onun sözlərinə görə, bu təklif baş nazir Rişi Sunaka göndərilib. O, bu məsələ barəsində öz mövqeyini hələ səsləndirməyib.
 
Belə qərar verilərsə, Britaniya Silahlı Qüvvələri amerikalıların humanitar yardımın çatdırılması üçün inşa etdiyi dəniz körpüsü rayonunda yerləşdiriləcək.
 
Bundan öncə xəbər verildiyi kimi, humanitar yardım əvvəlcə Kiprdə gəmilərə yüklənəcək, oradan yoxlanılması üçün İsrail limanlarının birinə, böyük ehtimalla, Aşdod limanına çatdırılacaq. 
 
Bundan sonra yardım köməkçi gəmilərə yüklənəcək və xüsusi yaradılan körpüyədək çatdırılacaq. Oradan humanitar yardım yük maşınları ilə Qəzza sakinlərinə göndəriləcək.  
 
Tərsanə ABŞ Hərbi-Dəniz Qüvvələri gəmilərinin bazasında inşa edilir, mayın əvvəlində hazır olacağı gözlənilir. Liman ətrafında təhlükəsizlik İsrail Müdafiə Ordusu tərəfindən təmin ediləcək.
Seçilən
116
49
Mənbələr
Şərh ()
Bağla