Ənginarın saysız-hesabsız faydaları

Qaraciyər sağlamlığı üçün faydaları ilə tanınan ənginarın bir çox başqa faydaları da var.

News24.az xəbər verir ki, orta ölçülü ənginar (artishok) vitamin və mineral mənbəyidir. 

Yüksək folat, C və K vitaminləri ehtiva edən ənginar həm də maqnezium, fosfor, kalium və dəmirin yaxşı mənbəyidir. Gündəlik tələb olunan 23-28 qram lifin təxminən 7 qramını orta ölçülü bir ənginardan almaq olar. Bir ənginarda təxminən 60 kalori və 4 qram protein var. 

1. Xolesterolu balanslaşdırır

Xüsusilə ənginar yarpaqları xolesterol səviyyəsini tarazlamağa kömək edir. 700-dən çox insanla aparılan araşdırmaya görə, ənginar yarpağı ekstraktı verilən insanlarda 5-13 həftə ərzində pis xolesterinin (LDL) azaldığı müəyyən edilib. Başqa bir araşdırmada, LDL xolesterolunda 30%, trigliserid nisbətində isə 22% azalma olduğu ifadə edilib. Ənginar ekstraktı yaxşı xolesterolu (HDL) artıracağı iddiası da var. Ənginar luteolin adlı antioksidant sayəsində xolesterolun qarşısının alınmasında mühüm rol oynayır. Ənginar yarpaqlarında olan komponentlər ümumi xolesterol səviyyəsini azaltmağa kömək edir.

2. Qan təzyiqini tənzimləməyə kömək edir

Araşdırmalar göstərir ki, ənginar tərkibindəki kalium sayəsində qan təzyiqini tənzimləməkdə təsirli olur.

3. Qaraciyər Sağlamlığına Faydalıdır

Ənginar dedikdə ağlımıza bu dadlı tərəvəzin qaraciyər üçün faydaları gəlir. Ənginar yarpağı ekstraktı qaraciyəri qoruya və qaraciyəri bərpa edə bilər. O, həmçinin qaraciyərdən zərərli toksinlərin çıxarılmasına kömək edən safra istehsalını artırır.

4. Həzm sistemini dəstəkləyir

Liflə zəngin ənginar bağırsaqlara faydalı bakteriyaları artıraraq kolon xərçəngi riskini azaltmağa kömək edə bilər. Həmçinin qəbizlik və ishal kimi problemlərin qarşısını alaraq həzm sisteminin düzgün işləməsini dəstəkləyir. Probiotik rolunu oynayan inulin lifi ənginarı güclü edir. Bulantı, mədə yanması və şişkinlik kimi həzm problemlərini aradan qaldırmaqda təsirli ola bilər.

5. İrritabl Bağırsaq Sindromu (İBS) Simptomlarını Azalda bilər

Qarın ağrısı, kramp, ishal, şişkinlik və qəbizlik kimi problemlərə səbəb olan həzm sistemi xəstəliyidir. Araşdırmalar göstərir ki, xüsusilə də ənginar yarpaqları bu simptomları azaltmağa kömək edə bilər. Xüsusilə ənginarda olan bəzi birləşmələrin İBS-də yaşanan əzələ spazmlarını dayandırmağa, bağırsaq bakteriyalarını balanslaşdırmağa və iltihabı azaltmağa kömək edə biləcəyi deyilir. 

Günel Məlikzadə