Nigeriyada güclü yağış həbsxananın divarını dağıtdı - Məhbuslar qaçdı

Nigeriyanın Suleja şəhərində bir neçə saat davam edən güclü yağış nəticəsində həbsxananı əhatə edən divarın bəzi hissələri dağılıb.   Manset.az-ın xarici mediaya istinadən məlumatına görə, bundan fürsət kimi istifadə edən məhbuslar da qaçıblar. Bildirilib ki, ən azı 118 məhbus qaçıb. Qaçan məhbusların hansı cinayətlərə görə mühakimə olunduğu açıqlanmayıb. Boko Haram təşkilatının üzvlərinin hələ də həbsxanada qaldığı bildirilib. Qeyd edək ki, ölkədə həbsxanaların təhlükəsizliyi çox zəifdir. 2020-ci ildən bəri 5 min məhbus qaçıb. Əfsanə Rəcəb Manşet.az