İdman malları istehsal edən Adidas və Nike şirkətləri arasında Amerika brendinin məhsullarının üzərindəki zolaqlarla bağlı mübahisədə apellyasiya prosesi Almaniyada başlayıb.
Bu barədə “Die Zeit” qəzeti yazıb.
Nəşrin məlumatına görə, fikir ayrılığına səbəb Adidas-ın xarakterik dizayn elementi olan üç paralel zolaq olub. 2022-ci ildə Adidas Nike məhsullarında oxşar zolaqlar aşkar etdi və iki və ya üç zolaqlı bir neçə Nike idman şalvarının onun dizaynına bənzədiyinə inandığı üçün rəqibi müəllif hüquqlarını pozmaqda ittiham edərək məhkəməyə müraciət etdi.
2022-ci ilin sentyabrında Düsseldorf Regional Məhkəməsi Nike şirkətinə Almaniyada beş şalvar modelinin satışını qadağan edən qərar çıxardı.
Bir il sonra, 2023-cü ilin sentyabrında məhkəmə ilkin qərarını qüvvədə saxladı, lakin Nike apellyasiya şikayəti verdi və dedi ki, Adidas-ın zolaq dizaynı ilə bağlı arqumentləri çox hərfidir, çünki dizayn “çox adi və sadədir”. Nike vurğuladı ki, bir çox istehsalçılar idman geyimlərinin yan tərəflərini bəzəmək üçün zolaqlardan istifadə edirlər, ona görə də belə dizayn elementinin olması avtomatik olaraq məhsulun konkret brendə aid olması demək deyil.
Mənbə: Haberler.com
