Qəzzada həyatını itirənlərin sayı 34 minə çatdı

İsrailin 7 oktyabrdan bəri Qəzza zolağına təşkil etdiyi hücumlarda 33 min 899 nəfər həyatını itirib, 76 min 664 nəfər isə yaralanıb.   Manset.az-ın xarici mediaya istinadən məlumatına görə, İsrail ordusu səhər saatlarında Qəzza zolağının cənubundakı əraziləri intensiv artilleriya atəşi ilə vurub. Fələstinin rəsmi agentliyi WAFA-nın yerli mənbələrə əsaslanaraq verdiyi xəbərə görə, İsrail ordusunun Qəzza zolağının şərqində, cənub, cənub-qərbdəki Şeyx Aclin, Tel əl-Heva və əz-Zeytun məhəllələrinə həyata keçirdiyi intensiv artilleriya hücumunda çox sayda fələstinli yaralanıb. və. İsrail döyüş təyyarələri də Qəzza şəhərində Əl-Şati Qaçqınlar Düşərgəsi və Tel əl-Hevadakı evləri bombalayıb. Qeyd edilib ki, İsrail qüvvələri Qəzza zolağının mərkəzi hissəsində Şimali Nuseyratdan çıxarıldıqdan sonra mülki müdafiə qrupları onlarla fələstinlinin cəsədini ərazidəki dağıntılar altından çıxarıb, çoxlu fələstinlinin cəsədi isə hələ də bölgədə dağıntılar altındadır.   Əfsanə Rəcəb

Manşet.az