ABŞ İsrailin İrana əks-hücum etməməsi müqabilində Rəfah əməliyyatını təsdiqləyib

Adının açıqlanmasını istəməyən yüksək rütbəli məmur deyib ki, “Baş nazir Benyamin Netanyahu İranın son hücumuna cavab olaraq cavab əməliyyatı keçirməkdən imtina etməsi müqabilində Rəfahda hərbi əməliyyat keçirmək üçün Amerikadan razılıq alıb”.

Məmur iddia edib ki, “İsrailin İrana cavab zərbəsi endirməyi Amerika administrasiyasının maraqları ilə ziddiyyət təşkil edir. Nəzərə almalıyıq ki, İsrail İranın hücumunu dəf edərkən ABŞ-dan hərbi yardım almışdır. Bu səbəblə İsrailin Amerika administrasiyasının maraqlarına qarşı qərar verməyi real görünmür.”

“KAN” kanalı tərəfindən dərc edilən hesabatda bildirilib ki, İsrailin ABŞ-dakı səfiri Maykl Hersoq cümə axşamı verdiyi açıqlamada bildirib: “İsrail İrana reaksiya verəcək və bu uzaq gələcəkdə olmayacaq. Tezliklə İranın raketləri nüvə başlıqları ilə də təchiz olunacaq”.

Hesabat da həmçinin qeyd edilib ki, “İsrail Silahlı Qüvvələri Qəzza zolağı ilə Misir arasındakı sərhədə bitişik bir neçə bölgəyə hava zərbələri endirib. İsrail rəsmiləri bu zərbələri həyata keçirməzdən öncə Misirdəki müvafiq rəsmiləri məlumatlandırıblar”.

Misir Rəfahın qurudan nəzarətə götürülməsi ssenarisinə hazırlıq planının bir hissəsi olaraq, Sinayın şimalında, Qəzza zolağı ilə 14 kilometrlik sərhəd zolağında yerləşdirilmiş qüvvələrini tam hazır vəziyyətə gətirib.

visiontv.az