- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
Ötən il bütün ölkələrin dövlət borcunun səviyyəsi artaraq qlobal ümumi daxili məhsulun (ÜDM)-in 93,2%-nə çatıb.
NOCOMMENT.az iqtisadiyyata.az-a istinadla xəbər verir ki, bu barədə Beynəlxalq Valyuta Fondunun (BVF) “Budget Alert” adlı son hesabatında deyilir.
Məlumata görə, ötən il ərzində qlobal dövlət borcu təxminən 2 faiz bəndi artıb. Bu rəqəm pandemiyadan əvvəlki səviyyədən 9 faiz bəndi yuxarıdır. Hesabat dövründə xüsusilə iki ən böyük iqtisadiyyatın – Çin və ABŞ-nin borcu artıb.
BVF-nin proqnozlarına görə, bu il Çinin dövlət borcu ÜDM-in 88,6%-ni, 2027-ci ildə ÜDM-in 101,8%-ni, 2029-cu ildə isə ÜDM-in 110,1%-ni təşkil edəcək. Bu il ABŞ-nin dövlət borcu ÜDM-in 123,3%-ni təşkil edəcək və 2029-cu ilə qədər ÜDM-in 133,9%-nə qədər artacaq.
Öz növbəsində, Ukraynanın dövlət borcu bu il ÜDM-in 94%-ni təşkil edəcək, 2025-ci ildə 96,7%-ə çatacaq, 2029-cu ildə isə 88,2%-ə enəcək.
Qeyd edək ki, fond ölkələrin dövlət borcunun dəqiq məbləğlərini göstərmir.
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.