Rusiyada yeni fəlakət: 62 yaşayış məntəqəsi su altında qalacaq

Kurqan yaxınlığındakı Tobol çayında suyun səviyyəsi 734 santimetrə çatıb.

KONKRET.az rus mediasına istinadən xəbər verir ki, suyun səviyyəsi qalxmaqda davam edir və xeyli miqdarda su Kurqan istiqamətində yönəldilir. Aprelin 16-da saat 2:00-da (Moskva vaxtı ilə 00:00) səviyyə 734 sm təşkil edib ki, bu da əvvəlki 2 saatdan 11 sm çoxdur.

Kurqan vilayətinin qubernatoru Vadim Şumkov xəbərdarlıq edib ki, Tobol çayı boyunca 1,3 milyard kubmetrdən çox su axır ki, bu da suyun səviyyəsinin əhəmiyyətli dərəcədə artdığı 1994-cü ildəkindən iki dəfə çoxdur. O, təhlükəli ərazilərin sakinlərini əvvəlcədən təxliyə etməyə çağırıb, çünki su basmış yollar səbəbindən ərazini tezliklə tərk etmək mümkünsüz ola bilər.

Proqnozlaşdırılır ki, aprelin 15-dən 18-dək Kurqan yaxınlığındakı Tobol çayında və aşağı axınında suyun səviyyəsi artmaqda davam edəcək. Bu da sahilyanı ərazilərin, daşqın göllərinin, kanalların və göllərin daşmasına səbəb olacaq.

Bu vəziyyətlə əlaqədar olaraq Kurqan vilayətində regional fövqəladə vəziyyət elan edilib və 62 yaşayış məntəqəsinin, 4300 evin, 5550 təsərrüfat sahəsinin, 600 bağ evinin su altında qala biləcəyi gözlənilir. Aprelin 15-nə olan son məlumatlara görə, 5 bələdiyyə rayonunda 5309 yaşayış binası və 571 təsərrüfat sahəsi su altında qalır, daşqınlar səbəbindən 7,1 mindən çox sakin təxliyə edilib.

Günel Mikayılova,

KONKRET.az