Bakı, 4 aprel, AZƏRTAC
İranın cənub-şərqindəki Sistan və Bəlucistan əyalətinin Rask və Çabahar şəhərlərində iki polis məntəqəsinə hücum edilib.
AZƏRTAC xəbər verir ki, bu barədə əyalətin qubernator müavini Əlirza Mərhəməti məlumat verib.
Hücum edənlərin “Ceyş əl-Ədl” terror qruplaşmasının üzvləri olduğu bildirilir.
Zərərçəkənlər barədə məlumat yoxdur.
Hazırda hadisənin təfərrüatları araşdırılır.