Zaxarova Ermənistan haqda: “Oynadılıb sındırlacaq yeni gəlincik...”

Ermənistan Qərbin əlində alver predmetinə çevrilməməlidir.

Teleqraf.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

“Təəssüflər olsun ki, Qərbin Ukraynanı oynadıb sındırdıqdan sonra qolsuz-ayaqsız köhnə gəlincik kimi küncə ataraq necə yeni qurbanlar axtarmağa başladığını görürük. Bu yeni qurban şirnikləndirilən, aldadılan Ermənistan olmamalıdır”, - diplomat bildirib.

Zaxarova Ermənistana sülh və firəvanlıq arzulayıb. O, Rusiyanın həmişə "çətin anlar"ında Ermənistanın köməyinə gəldiyini də etiraf edib. Məsələn, Birinci Qarabağ Müharibəsində - Azərbaycan əraziləri işğal ediləndə.