AZ

52 yaşlı kişi keçmiş arvadını ağacla döydü — TƏFƏRRÜAT

Şamaxı rayonunda 1972-ci il təvəllüdlü Cəfər şəxsi münasibətlər zəminində yaranan mübahisə zamanı keçmiş arvadı Aytaca (adlar şərti göstərilib – red.) xəsarət yetirib. 

Demokrat.az-ın əldə etdiyi məlumata görə, hadisə ötən ilin sentyabrın 4-də, saat 15 radələrində baş verib. Cəfər yaşadıqları evdə keçmiş arvadı Aytacla aralarında yaranmış mübahisə zamanı onun baş nahiyəsindən ağac ilə vuraraq, ona xəsarətlər yetirib. 

Hadisəni törədən Cəfərin barəsində Cinayət Məcəlləsinin 128-ci (qəsdən sağlamlığa xəsarət yetirmə) maddəsi ilə ittiham elan edilib. 

Cinayət işi üzrə təqsirləndirilən şəxs qismində ifadə verən Cəfər ona elan olunmuş ittiham üzrə özünü təqsirli bilib. O bildirib ki, Aytac onun keçmiş həyat yoldaşıdır, onların iki övladları var: “2014-cü ildə Atacla münasibətimiz yaxşı olmadığından rəsmi olaraq boşandıq. Lakin bu günə qədər birlikdə yuxarıda eyni evdə yaşamışıq. Son vaxtlar keçmiş həyat yoldaşım ilə söhbət zamanı oğlum Salmanın niyə işləməməsini, getsin iş tapsın evin maddi durumuna köməklik göstərməsini demişəm. Aytac isə oğlunun iş tapa bilmədiyini bildirib. Mən isə bundan əsəbləşərək oğlumun tez bir zamanda iş tapmasını bildirmişəm”. 

Təqsirləndirilən şəxs qeyd edib ki, daha sonra Aytacla aralarında mübahisə baş verib: “Əsəblərimi saxlaya bilməyərək mübahisə zəminində əlimdəki balaca ağac parçası ilə arvadımın baş nahiyəsinə bir dəfə vurdum. Sonra isə ağacı yerə atıb evdən çıxdım. Aytac döyülməsi barədə rayon polis şöbəsinə məlumat verib”.

İş üzrə zərərçəkmiş Aytacın sözlərinə görə, Cəfər ilə əvvəllər münasibəti yaxşı olub, sonradan mütəmadi olaraq yersiz mübahisələr və dava-dalaş edib: “2014-cü ildə rəsmi olaraq boşanmışıq. Cəfər ilə rəsmi olaraq boşansaq da, hazırda yaşadığım evdə birlikdə yaşayırıq. Boşanmağımıza baxmayaraq, Cəfər davamlı olaraq yersiz mübahisələr edib və məni evdən çıxarmağa çalışıb. Münasibətimiz yaxşı olmasa da, övladlarımın istəyi ilə rayon polis şöbəsinə müracət etməmişəm. Cəfərin gələcəkdə öz qanunsuz əməllərinə son verəcəyini güman etmişəm”. 

Zərərçəkmiş qeyd edib ki, Cəfər sonuncu dəfə heç bir səbəb olmadan onun evi tərk etməsini tələb edib: “Cavab olaraq Cəfərə yaşamağa evim olmadığını, evdən çıxmayacağımı bildirdim. Hadisə günü təkrar-təkrar evdən çıxmağımı tələb etdi. Saat 15 radələrində yemək hazırlayaraq, Cəfəri süfrəyə dəvət etdim. Cəfər yemək istəmədiyini, evdən çıxıb getməyimi dedi. Təkrar getməyə yerim olmadığını bildirdim. Bundan sonra aramızda mübahisə yarandı. Mübahisə zamanı Cəfər əlində olan ağac ilə baş nahiyəmdən vurdu. Mən qışqıraraq başımdan qan gəldiyini gördüm, qaçmağa başladım. Həmin gün Şamaxı rayon Mərkəzi Xəstəxanasında ilkin tibbi yardım göstərildikdən sonra evə buraxıldım”. 

Bu cinayət işinə Şamaxı Rayon Məhkəməsində baxılıb. Məhkəmənin hökmü ilə Cəfər aylıq qazancının 10 faizi dövlət nəfinə tutulmaqla 1 il müddətinə islah işləri cəzasına məhkum edilib.

Fariz Məlikli
Demokrat.az
Seçilən
31
Mənbələr
Şərh ()
Bağla

Reytinq

Saray Ailə Sağlamlıq Mərkəzinin terapevti Sevinc Zeynalova vəfat edib
26310
"Komedixana"nın ulduzları haralıdır? - SİYAHI
17545
Cavid Gülün həyat yoldaşı gözəlliyi ilə heyran etdi - FOTO
16916
Zaqatalada baş verən ağır yol qəzasının təfərrüatları məlum olub - YENİLƏNİB VİDEO
16661
Bakıda hoteldə ölən dostlarla bağlı DETALLAR: Viskini içdikdən sonra... - FOTO
13965
Bakı ilə bağlı XƏBƏRDARLIQ - Saat 12-dən başlayaraq...
11427
5 ailə üzvünü öldürən Əhməd azadlığa çıxır? - Vəkil açıqladı
11341
İbrahim Tatlıses Azərbaycanda çəkilən görüntülərinə görə əsəbiləşdi - VİDEO
10726
Sumqayıtda ana və 2 azyaşlı övladı 11 gündür itkin düşüb – FOTO
10061
Aytən Səfərova qəzadan sonra ilk dəfə danışdı - VİDEO
9459
Bakıda anasını dostuna qısqandı, dəhşət saçdı - TƏFƏRRÜAT
7263
Səidə Sultan klipi üçün lüt soyundu
7136
Namiq Qaraçuxurlu başına gələn QƏZADAN DANIŞDI — VİDEO
6142
Elcan Rəsulov xəstəxanalıq oldu - FOTO
5941
Bölgələrə güclü yağış yağıb, çaylardan sel keçib - FAKTİKİ HAVA
5676
Anası ilə dostunun sevgi münasibətlərinin olmasından şübhələnib dəhşət saçdı - VİDEO
5469
Talıb Tale evlənir
5189
Evinə əxlaqsız qadınlar gətirən idmançının qətli ilə bağlı yenilik: Arvadının anlaqsız olması...
5139
Avtomobil sahiblərini məyus edəcək xəbər: Bu maşınlar qadağan ediləcək
4550
Azərbaycanın məşhur iş adamına ağır itki - FOTO
4293