Hərbi ekspert: "Ermənistan artıq bu müsbət mesajı Azərbaycan tərəfinə verib"

“İndiki mərhələdə Ermənistanın baş naziri kəndlərin Azərbaycana qaytarılması ilə bağlı orada yaşayan əhali ilə müzakirələr aparır. Bizim üçün önəmli olan məsələ ondan ibarətdir ki, artıq Ermənistan hökuməti bu kəndlərin qaytarılması mesajlarını verib. İndi bunu əhali ilə razılaşdırmaqla əslində görüntü yaradır. Daxilə hesablanmış proses ondan ibarətdir ki, baş nazir orada yaşayan əhaliyə demək istəyir ki, biz kəndləri qaytarmalıyıq. Biraz da onları qorxudur ki, biz kəndləri qaytarmasaq, Azərbaycan müharibəyə başlaya bilər. Bunun üzərinə indi bütün zamanlarda Ermənistanın içərisində bu kimi halların baş verməməsi üçün revanşist bəyanatlar verən hissə, həmçinin millətçilər də var. Ermənistan tərəfindən hər hansı bir münaqişənin yaranmasına meylli olan kəsim daxildə var və onlar bunu səsləndirirlər ki, biz burada döyüşəcəyik, axıra qədər mübarizə aparacağıq, kəndləri qaytarmayacağıq. Ermənilərin bu yanaşmasını 130 il işğal dövründə, 19-20 sentyabra qədər antiterror tədbirlərində də gördük. Azərbaycan üçün yanaşma, ondan ibarətdir ki, kəndlər geri qaytarılmalıdır”.

Bunu AzNews.az-a açıqlamasında hərbi ekspert Elxan Şıxəliyev deyib.

O qeyd edib ki, hazırda Ermənistan hökuməti bunu daxildə, Azərbaycanın sərt gücə əl atmaması üçün özü həll etmək istəyir.

“İndi orada köçürmə, təminat məsələləri var. Önəmli olan budur ki, Ermənistanın baş naziri artıq Ermənistanın müdafiə zolaqları sayılan komandanlığına bu bölgəni tərk etməsinə dair komandalar da verib. Artıq onların təhlükəsizliyini təmin edən Ermənistanın Müdafiə Nazirliyinə aid olan hissəsi də olmadıqdan sonra orada kiminsə əlində silahla qeyri-qanuni birləşmələr şəklində döyüşməsi mümkün deyil. Xüsusən də ora getmək istəyən əli silahlı olan mülki əhalidən həbslər də baş verib. Düşünürəm ki, Ermənistan orada yaşayan əhalisi və yaxud ora gedib biz burada döyüşəcəyik demək istəyən hissəsi Paşinyana qarşı yönələn siyasi proseslərin bir hissəsidir. Daxildə Paşinyanın devrilməsinə gətirəcək bir narazılıq, iğtişaş, hökumətə qarşı bir plan baş tutsun ki, daxili narazılıqda bir xaos başlasın. Bizə aid olan hissəsi isə Ermənistan artıq bu müsbət mesajı Azərbaycan tərəfinə verib. Müəyyən vaxt aparacaq məsələdir. Xüsusən də onlar daxili məsələlərini həll etdikdən sonra dörd kəndimiz Azərbaycan tərəfinə ilkin mərhələdə qaytarılacaq.

Digər dörd kəndimizin ankvlavları bir az vaxt aparacaq. Çünki əlavə müzakirələrə də ehtiyac var. Bizə qarşı o coğrafiyada artıq kiminsə, əgər bunu Ermənistanın hökuməti deyəcəkdisə ki, biz qaytarmırıq, onda Azərbaycanın hərbi müdaxiləsi daha aktual görünərdi. Yox, əgər hökumət deyirsə, biz bunu qaytaracağıq.Orada mülki əhalinin nəsə etməsi, kiminsə müdaxilə etməsi real görünmür”.