Birləşmiş Ştatlar qoşunları idarə etmək və onlara komandanlıq etmək üçün süni intellektə əsaslanan sistem yaradıb.
TASS xəbər verir ki, bunu Pentaqonun rəhbərinin müavini Ketlin Hiks süni intellektdən hərbi istifadəyə dair simpoziumda deyib.
Hiksin sözlərinə görə, süni intellektin Pentaqona inteqrasiyası səyləri ABŞ-ın hərbi imkanlarını gücləndirir, lakin Vaşinqton süni intellektlə silahlanma yarışına can atmır. Eyni zamanda, o, Pentaqonun böyük həcmdə məlumatların, süni intellektin, bulud texnologiyalarının və digər oxşar texnologiyaların emalı sahəsində layihələrə sərmayə qoymasının zəruriliyini qeyd edib.
Bundan əvvəl Hiks Rusiyanın anti-GPS imkanlarını açıqlamışdı.
Mənbə: TASS
