İsrail ordusunun Qəzza zolağının şimalındakı Mesru Beyt Lahiya bölgəsinə təşkil etdiyi hücumda aralarında qadın və uşaqların da olduğu ən azı 62 fələstinli həyatını itirib.
Xalqcebhesi.az xəbər verir ki, bu barədə Türkiyənin “aksam.com.tr” saytı yazıb.
Xəbərdə qeyd edilir ki, İsrail ordusu Qəzza zolağının şimalındakı Mesru Beyt Lahiya bölgəsində Əbu Nasir ailəsinə aid 150 köçkün fələstinlinin sığındığı 5 mərtəbəli binanı bombalayıb.
İlkin hesablamalara görə, hücumda 62 fələstinli həyatını itirib, çox sayda insan isə yaralanıb.
Mülki müdafiə və təcili yardım maşınları əraziyə çata bilmədiyi üçün hələ də dağıntılar altından xilas olunmağı gözləyən insanlar var. Hücum zamanı yaralanan və vəziyyəti ağır olan ən azı 20 nəfər İsrailin hücumları altında olan Kemal Advan xəstəxanasına çatdırılıb.
