Yağmurlu hava şəraiti Lənkəranda avtoqəzaya səbəb olub. Hadisə səhər saatlarında Lənkəran-Boradigah-Masallı magistralında, Lənkəran rayonunun Separadi kəndi ərazisində qeydə alınıb.
Bizim.Media xəbər verir ki, rayonun Tükəvilə kənd sakini 1990-cı il təvəllüdlü Emil Əkbərovun idarə etdiyi "Hyunday Sonata" markalı avtomobil hərəkətdə olarkən idarəetməni itirib, magistraldan çıxaraq, yol kənarındakı ağaca çırpılıb.
Zərbənin təsirindən avtomobil deformasiya uğrayıb. Sürücü E.Əkbərov xəsarət alaraq Lənkəran rayon mərkəzi xəstəxanasının təcili yardım şöbəsinə hospitalizasiya olunub.
Hadisəyə səbəb, yağışlı hava şəraitində avtomobilin qarşısına iri buynuzlu mal-qaranın çıxması göstərilir.
Faktla bağlı araşdırma aparılır.
Sabutay, Bizim.Media, Cənub bürosu
