Meksikanın Zakatekas şəhərində magistral yolda yol qəzası baş verib.
"Unikal" xarici KİV-ə istinadən xəbər verir ki, dəhşətli qəzada azı 24 nəfər ölüb, 5 nəfər yaralanıb.
Zakatekas qubernatoru David Monreal Avila sosial mediada verdiyi açıqlamada bunları yazıb:
"Bu gün səhər tezdən Zacatecas - Aguascalientes şossesində baş verən avtomobil qəzası məni çox kədərləndirdi. Təəssüf ki, ölənlərin sayı 24, yaralıların sayı isə 5-dir".
