1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Avropa Parlamentinin Azərbaycana qarşı qəbul etdiyi qətnamə ikili standartlı və ittihamlarla doludur.
Bunu "Report"a açıqlamasında Milli Məclisin Elm və təhsil komitəsinin sədr müavini, deputat Fariz İsmayılzadə deyib.
O bildirib ki, bu qətnamə əsassız və antidemokratik ittihamlardır:
"Bir milyondan çox azərbaycanlı evlərindən qovuldu, Ermənistan etnik təmizləmə həyata keçirdi. Bundan başqa, Ermənistan Azərbaycanın 20 faiz torpağını işğal edib, amma belə kəskin qətnamələr Ermənistana qarşı qəbul olunmayıb".
O qeyd edib ki, Avropa İttifaqının bəzi üzvləri Ermənistanı yenidən silahlandırır, gücləndirir və yardım verir:
"Bunu biz necə başa düşək? Azərbaycan müsəlman ölkəsidir, ona görə bizə qarşı belə ikili standartdır, yoxsa anti-türk islamofobiya dolu mövqedir? Azərbaycan cəmiyyəti, Azərbaycanın əhalisi və xüsusilə də məcburi köçkünlər belə münasibətdən çox hiddətləniblər. Bu, Avropa İttifaqı ilə Azərbaycan arasında olan əlaqələrə böyük zərbədir. Bir növ Azərbaycanı Avropadan küsdürürlər və uzaqlaşdırırlar".
