İspaniyanın "Atletiko” (Madrid) komandası Çempionlar Liqasının əsas mərhələsinin III turunda "Lill"lə (Fransa) keçirilmiş oyunda hakimlik məsələsi ilə bağlı UEFA-ya şikayət edib.
"Unikal" xəbər verir ki, bu barədə “Marca” nəşri məlumat yayıb.
İspaniya təmsilçisi qarşılaşmanın 74-cü dəqiqəsində italiyalı hakim Marko Quidanın Madrid təmsilçisinin qapısına təyin etdiyi penalti qərarının doğru olmadığını, eləcə də həmin epizoda VAR-ın müdaxilə etməməsini anlaşılmaz mövqey olaraq adlandırıb.
Bu vəziyyətə görə "Atletiko" UEFA-ya hakimliklə bağlı rəsmi şikayət göndərib.
Qeyd edək ki, görüş “Lill”in 3:1 hesablı qələbəsi ilə yekunlaşıb.
