Xaçmaz şəhərinin sakinləri son günlər tez-tez baş verən işıq kəsilmələrindən şikayətçidirlər.
Bununla bağlı şikayət daxil olub.
Bildirilib ki, şəhərin Məktəbli küçəsində günlərdir işıqlar sönür.
"Nəticədə elektrik avadanlıqlarımız sıradan çıxır. İşıqlar hər gecə saat 1-də sönür, bir də səhər yanır", - deyə şikayətdə bildirilir.
Məsələ ilə bağlı "Azərişıq" ASC-dən sözügedən ərazidə problem yaşandığı təsdiqlənib.
"Xaçmaz şəhəri Məktəbli küçəsində hava şəraiti ilə əlaqədar müəyyən problemlər yaşanıb. Problemlər əməkdaşlarımız tərəfindən aradan qaldırılıb. Həmin ərazi diqqətimizdədir", - deyə açıqlamada qeyd olunur.
Əzizə İsmayılova
Mənbə: oxu.az
