İranın Əlborz əyalətində saxta spirtli içki hazırlamaqda təqsirli bilinən dörd nəfər barəsində çıxarılmış edam hökmü icra olunub.
Məlumatı “Tasnim” agentliyi yayıb.
Bildirilib ki, hökm oktyabrın 23-də səhər saatlarında Kərəc şəhərinin mərkəzi həbsxanasında icra edilib.
Məlumata görə, onların hazırladıqları saxta spirtli içki nəticəsində 17 nəfər ölüb, 191 nəfər müxtəlif dərəcəli zərər görüb.
"Report" xatırladır ki, oktyabrın 22-də Tehranda barələrində edam hökmü çıxarılan məhbusların anaları parlamentin binası qarşısında “Övladlarımızı edam etməyin!” şüarı ilə aksiya keçiriblər.
