"Nyukasl"ın və İngiltərə millisinin vingeri Entoni Qordon klubu ilə yeni müqavilə imzalayıb.
Fanat.Az xəbər verir ki, bu barədə sözügedən klubun mətbuat xidməti məlumat yayıb.
Müqavilənin təfərrüatları açıqlanmayıb, lakin tanınmış insayder Fabritsio Romanonun məlumatına görə, futbolçu ilə yeni uzunmüddətli müqavilə 2030-cu ilə qədər nəzərdə tutulub.
Xatırladaq ki, Qordon il yarımdır “Nyukasl”dadır. 23 yaşlı futbolçu "sağsağanlar"a "Everton" klubundan keçib.
Entoni bu mövsüm "Nyukasl"ın heyətində bütün rəsmi turnirlərdə 10 oyun keçirib və iki qol vurub.
