Overturizm uzun müddətdir ki, dünyanın ən məşhur səyahət yerləri üçün böyük problem olub. Məsələn, İspaniyada bu, artıq turistlərə qarşı kütləvi etirazlara, eləcə də müxtəlif məhdudiyyətlərə səbəb olub.
Qaynarinfo "Daily Express"ə istinadən xəbər verir ki, MoneyTransfers.com təxminən yüz ən məşhur şəhərdə yerli sakinə düşən qonaqların sayını təhlil edərək 2024-cü ildə ən çox izdihamlı turizm istiqamətlərini müəyyən edib.
Siyahıya Taylandın eyniadlı adasındakı Phuket şəhəri başçılıq edir və bu şəhər nəinki ölkənin, hətta dünyanın ən məşhur çimərlik məkanlarından biridir. Bura hər il hər yerli sakinə nisbətən orta hesabla 118,5 turist gəlir.
Dünyanın ən çox izdihamlı şəhərləri üçlüyünü Tayland təşkil edir: İkinci yeri kurort şəhəri Pattaya (hər yerli sakinə 98,7 turist), üçüncü yeri isə Krabi əyaləti (hər yerli sakinə 72,2 turist) tutub.
Dünyanın ən turistik 10 şəhəri:
1. Phuket, Tayland (hər yerli sakinə 118,5 turist)
2. Pattaya, Tayland (98,7)
3. Krabi, Tayland (72,2)
4. Muğla, Türkiyə (40,2)
5. Hurqada, Misir (28,2)
6. Makao, Çin (26,9)
7. Heraklion, Yunanıstan (22)
8. Venesiya, İtaliya (21,3)
9. Rodos, Yunanıstan (20,3)
10. Mayami, ABŞ (18,6)
Aydın
