“Rossiya 1”, “Rossiya 24”, “Mədəniyyət”, “Mayak” kanallarının yayımı “ölüb”.
İnterpress.az xəbər verir ki, bu barədə Rusiya mediası məlumat yayıb. Bildirilir ki, hakerlər VGTRK-nin bütün onlayn şəbəkəsini məhv ediblər.
Kiberhücum nəticəsində serverlərdən bütün məlumatlar, o cümlədən ehtiyat nüsxələri silinib. Hətta ofisdə internet və telefon işləmir.
Mənbələrin bildirdiyinə görə, səhər saat 6-dan etibarən VGTRK ofisində bərpa işləri aparılır.
Federal kanalların və 80-dən çox regional televiziya və radio şirkətinin daxil olduğu bütün holdinq qarışıqlıq içindədir.
Xuraman Etibarlı
İnterpress.az
