1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Qətərdə səfərdə olan İran Prezidenti Məsud Pezeşkian HƏMAS hərəkatının nümayəndə heyəti ilə görüşüb.
Oxu.Az bu barədə "Tasnim" agentliyinə istinadən xəbər verib.
İran prezidenti ilə görüşdə HƏMAS-ın xaricdəki nümayəndəliyinin rəhbəri Xalid Məşəl və hərəkatın məşvərət şurasının rəhbəri İsmayıl Dərviş iştirak ediblər.
Görüş zamanı Məsud Pezeşkian bildirib ki, Qərb ölkələri İrana yalan vədlər verir və Qəzzada atəşkəs razılaşması əldə etmək üçün İranın təmkinli davranmasını istəyirlər.
İran prezidenti vurğulayıb ki, İsrailin Qəzza və Livandakı hərəkətləri İran silahlı qüvvələrinin qətiyyətli reaksiyasına səbəb olub.
