Beynəlxalq reytinq agentliyi “S&P Global Ratings” İsrailin uzunmüddətli xarici və yerli valyutada reytinqini “AA-“dan “A+” səviyyəsinə endirib və qeyd edib ki, İranla qarşıdurmanın güclənməsi bu ölkə üçün onsuz da yüksək olan geosiyasi riskləri artırır.
Reytinqlərin proqnozu “mənfi”dir.
Daha əvvəl agentlik ekspertləri hərbi əməliyyatların altı aydan çox sürməyəcəyini güman edirdilər.
S&P 2024-cü ildə İsrailin büdcə kəsirinin ÜDM-in 8%-nə çatacağını gözləyir, bunun əsas səbəbi müdafiə xərclərinin artmasıdır.
Bildirilir ki, agentlik İsrailin hərbi eskalasiya ehtimalının azaldığını və ümumilikdə ölkənin təhlükəsizlik risklərinin azaldığını görərsə, İsrailin reytinq proqnozunu “stabil”ə dəyişə bilər.
