Karyerası ərzində "Neftçi", "Kəpəz", "Şamaxı", "Qarabağ" "Turan Tovuz" kimi klublarda oynayan Tərlan Quliyev hazırda I Liqada mübarizə aparan "İmişli"nin formasını geyinir. 32 yaşlı təcrübəli müdafiəçi Sport24.az-a müsahibəsində liqalara arasında fərqdən danışıb, Premyer Liqanı dəyərləndirib.
- Cari mövsümdən I Liqada çıxış edən "İmişli"nin şərəfini qoruyursan. Ümumiyyətlə, aşağı dəstədə vəziyyət necədi?
- Heç şübhəsiz ki, elita ilə I Liqa arasında fərq var. Ancaq əvvəlki illər ki, uçurum yoxdu. İldən-ilə aşağı dəıstə təmsilçiləri də püşəkarlaşmaq yönündə ciddi addımlar atırlar. Onu da deyim ki, Premyer Liqa ilə müqayisədə burda çempionluğa iddialılar çoxdur. Hansı komandanın əvvəlcədən qələbə qazanacağını demək olmur. İstənilən kollektivdən sürpriz gözləməyə dəyər. Odur ki, belə bir gərgin mübarizədə maksimum çalışmalısan ki, nəticə qazanasan.
- Düşərgənizdə yer alan legionerlər komandaya uyğunlaşa bilib?- Bəli, bu yöndə çətinliyimiz yoxdu. Mehriban kollektivimiz var.
- Uzun illər elitada çıxış etmisən. Premyer Liqanın ab-havasını hiss etmiş futbolçu üçün I Liqada oynamaq çətin deyil? - Təbii ki, fərq hiss olunur. Amma müqavilə bağlamışamsa, deməli, maksimum gücümü ortaya qoyub, təcrübəm ilə komandaya faydalı olmalıyam.
- İlk turlardan hiss olunur ki, çempionluq uğurunda mübarizədə əsas rəqibləriniz "Qəbələ", "Karvan" olacaq. Sonadək rəqabət apara biləcəksiz, buna gücünüz çatacaq?- Deməzdim ki, çempionluq uğrunda mübarizə yalnız adını çəkdiyiniz 3 komanda arasında gedəcək. MOİK, "Zaqatala", "Baku Sportinq" və digər komandaları da hesabdan silmək olmaz. Qeyd etdiyim kimi cari mövsümdə I Liqada kiminsə tam üstünlüyə sahib olmasını demək olmur. Biz rəqib kimi yalnız "Qəbələr" ilə "Karvan"ı görmür, digər komandalara da hörmətlə yanaşırıq. və ehtiyat edirik. Növbəti turda bizi MOİK ilə çətin qarşılaşma gözləyir.
- Hazırda aşağı dəstədə oynasan da, yəqin ki, elitanı da izləyirsən. Premyer Liqa barədə fikirlərini də bölüşərdin...- Premyer Liqa maraqlı və gərgin oyunları ilə göz oxşayır. Təbii ki, "Qarabağ" yenə bütün komadaları üstələyir. Düşünürəm ki, bu mövsümdə də Ağdam təmsilçisi çempion olacaq.
- Amma çoxları "Turan Tovuz"un, "Zirə"nin, Sabah"ın bu il "Qarabağ"a güclü müqavimət göstərəcəyini düşünür. "Araz-naxçıvan"ı da unutmaq olmaz...- Adını qeyd etdiyiniz komandalar bu ilə yaxşı oyun sərgiləyirlər. "Turan Tovuz" VII tura kimi liderliyini qorudu. Kurban Berdıyev orda yaxşı, döyüşkən kollektiv formalaşdırıb. Klubdan ayrılsam da, ürəyimdə "Turan Tovuz"ladır. "Zirə" ilə "Sabah"ın da güclü heyəti var. Ayxan Abbasovun gəlişiylə "Şamaxı" da bütün rəqiblərinə başağrı olmağı bacarıb. Amma ümumi götürəndə reallıq odur ki, bu klublar hələlik "Qarabağ"a meydan oxumaq gücündə deyillər.
- Vaxtilə şərəfini qoruduğun "Neftçi"nin çıxışı haqqında nə deyərdin?- "Neftçi"nin indiki vəziyyəti dəhşətlidir, fiaskodur. Azərbaycanın köklü komandasının belə görmək çox ağırdı. Görünən odur ki, "ağ-qaralar"ın düşərgəsində nəsə düz getmir, dəyişiklər olmalıdı. Bu gün "Neftçi"nin turnir cədvəlinin 9-cu pilləsində olması nəinki mənə, o klubun "şinelindən" çıxan heç kimə xoş deyil.ABDULLA İSMAYILOĞLU
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
