Perunun paytaxtı Limada keçirilən atıcılıq üzrə gənclərin dünya çempionatı davam edir.
İdman.biz xəbər verir ki, qarışıq komandaların pnevmatik tapança ilə 10 m məsafədən atəş açma yarışı başa çatıb.
Azərbaycan bu proqramda iki komanda ilə təmsil olunub. Leyli Əliyeva və Vladislav Kalmıkovdan ibarət cütlük təsnifat mərhələsində 560 xalla 21-ci olub. Zeynəb Sultanova ilə Hacı Əliyevdən ibarət komanda isə 557 xalla 27-ci yeri tutub. Təmsilçilərimiz finala vəsiqə qazana bilməyiblər.
Qeyd edək ki, bu növdə Almaniya 1-ci, Ukrayna 2-ci, Hindistan 3-cü olub.
İdman.biz
