İnvestisiya firması "Piper Sandler" "Apple Intelligence" süni intellekt sisteminin inteqrasiyası sayəsində "iPhone 16"ya yüksək tələbat və daha yüksək qiymətlər proqnozlaşdırır.
Valyuta.az xəbər verir ki, bu barədə "Apple Insider" portalı araşdırmaya istinadən məlumat yayıb.
Analitiklərin fikrincə, yeni "Apple" modellərində süni intellektin olması dərhal olmasa da, satışa çıxarılan zaman əhəmiyyətli satışlara kömək edəcək, çünki "Apple Intelligence" sistemi yeni "iPhone"ların buraxılışı ilə eyni vaxtda işə salınmayacaq. Eyni zamanda, gələcəkdə cihazların yayılma sürəti yavaşlaya bilər.
Hesabatda qeyd edilir ki, yeni smartfonlar inqilabi aparat həlləri təklif etməyəcək və süni intellektin inkişafına əhəmiyyətli sərmayələr qoyduğuna görə "Apple" öz cihazlarının qiymətlərini artırmağa məcbur olacaq ki, bu da flaqman satışlarının sonrakı artımını məhdudlaşdıra bilər.
Eyni zamanda, "Piper Sandler" hesab edir ki, "Apple Watch SE"nin potensial buraxılışı və "AirPod"lara daha sərfəli alternativ, əksinə, yüksək satışlara töhfə verəcək.
Yeni "iPhone 16" "Apple Watch 10" (X) və "AirPods" qulaqlıqlarını təqdim edəcək "Apple"ın "It's Glowtime" təqdimatı sentyabrın 9-da baş tutacaq.
Paşa Məmmədli
